NYIMBO CIA IBUKU 440 - 464

HONOKIA JESU KRISTO  1. Muhonokia Jesu Kristo Riria ari guku thi Niahuriruo na akirumwo na akiigirirwo igenyo. Andu a guku thi ona makwenda Thutha magakihe ki? (murata) wakwa No ithanduku na mahua Maige hau mbirira-ini.   2 . Makirega kumwitikia makimwamba muti-ini Na andu a thiritu ciake magicoka mehia-ini   3. Ta uria Ngai erire andu niakamahe muruwe (murata) Wakwa, Jesu Kristo oke guku thi amarute ukombo-ini   4 . Niahotire mbaara ciothe ona akihota gikuu Wamumbura wi guku thi niukamwona matu-ini ( Ameni)

 NGUTHAITHA NDUNGATA CIA ROHO   1. Nguthaitha ndungata cia Roho, niguo riria igukuhiriria, Kigongona-ini kia Jehova, ithiragwo ni mathangania.   2. Ndungata ici ngwenda mumenye, utungata uyu ni wa Roho mundu mugi ndangiheneka, tondu Roho Ti wa mugaru.   3. Matukuu maya turi namo, nimo mega atheru metherie Nayo mbaara ikinye muthia, agaruruki maconoke.   4. Riri nirio igai ria atheru aria mahotete mbaara-ini Ona makahota imakania, cia Shaitani na Roho wake.   5. Riu thii na uhoreri, utungata uyu mwatungata , Mungikaga kuriganiruo murungu niakamurathima   6. Muthenya wa ituiro wa kinya, utungata wothe Ukirihwo maria mothe wanatungata, wina mwiri uyu Niukariihwo.   7. Nitukiugei Halleluya, tondu atheru nitumenyete. Itigana riri twatigana Murungu enda no tukonana. (Ameni)

NDARI NA ACIARI AKWA 1 . Ndari na aciari akwa manyendete muno Na arata aingi muno guku thi Na mbia na ugi na maundu maingi Indi icio ciothe itiahonokirie. Ngoma ni mutorie maundu-ini mothe Uthamaki wake ni muitiku Jesu niangurite ngoima gwa Shaitani Nikio riu ndina gikeno.   2. Rugendo-ini ruru ndorete matu-ini Kanani bururi wa muoyo Kundu kuri nyama na iria na. Uki Bururi wa andu aria atheru.   3. Nimenyete wega ni Misri ndari Kundu gwa kieha na maithori Na gutiari mundu wa kunjiguira tha Uthamakini wa Firauni.   4. Indi Ngai aria tha agituma Musa Kuu nyumba ya Firauni Na Musa na Roho Mutheru wa Ngai Oke niguo nyume misiri.   5. Na itanatuikania iria-ini itune Ngiona mbutu ya Firauni yukite na ihenya Injokie na thutha no ndiigana kunguhiriria.   6. Ndarikia kuringa iria-ini itune Mbutu iri gatagati Musa akioya guoko Iguru ria mai mbutu yothe igithirira.   7. Njigiirwo gikeno mucii wa matu-ini Ndingicokia maitho na thutha Ndigatuike ihiga ta muka wa Loti Wa...