NYIMBO CIA IBUKU 440 - 464

  KANITHA URIA MUTHERU 1.  Kanitha uria mutheru, wakitwo na itugi ithatu  Muhunjia na murutani, ningi na muthaithi Ngai.     Kimwe giacio kingiehera, kanitha ndugirugama  Tondu cigitwo ho ni Ngai irugamagie kanitha     2.  Muhunjia niwe muhandi wa mbeu njega kanitha  Nacio ciarikia kumera murutani akarimira.    3.  Muhoi Ngai arutaga wira wa hinya hindi iria  Ekuhoera maroho, niguo maturio ni Ngai    4.  Ucio ahana murimiri, uria rimagira mbeu,  Okuma riria ciinyinyi, kinya hindi ya magetha.    5.  Ucio ahana ta rugiri, ruria rurigicagiria thu,  Itingiona hakugera niundu wa mahoya make.    6.  Murutani rutanaga, ciugo njega cia kuguna  Maroho ma andu othe ningi ikamomagiriria     7.  Gatagati ga acio atatu, niho he maitho ma Roho  Makwonaga riria thu iroka guthukia wina Roho  (Amina)

  NINJUI CIIKO NA WIRA WAKU  1.  Ninjui ciiko ciaku na wira waku, muritu na ukiririria waku,   Na ngamenya ndungihota kuiguana na maundu  Maria mari thi-ino.    Mwitugirio murata no utige,  Ndugatunywo thumbi yaku iheo ungi,  Cokerera wendo waku wa mbere Tondu wa keri ti wakugocithia Ngai.    2.  Ninjui minyamaro yaku yothe,   Noundu ngugukararia ni kugaga,   Ati niwakurire uhonokio-ini wimenyerere  Ndukarwo ni muoyo.    3.  Ririkana aruti a wira angi, amwe marokire rucini  Na aria angi thathita na hwai-ini, na othe marihirwo  Irihi o rimwe.    4.  Wee ikaraga uri mwihokeku, kinya gukua na  Niukaheo thumbi, uria uri na matu niakiigue uria  Roho arera makanitha    5.  Mucukani riu niehotorete  Niguo aharaganie makanitha  Niguo andu aingi matuike ake,  Wimenyerere ndugakoro uri umwe.    6.  Wenda guikara na...

  ANDU AMWE MAKOMETE TORO  1.  Andu amwe makomete toro,  Aria angi ti ahiu na ti ahoro,  Aria angi no kwirianiria  Na Jesu arungii muromo-ini    2.  Caitani aroiga ndi wa tene  Kanitha-ini ndatonyire tene,  Ngiuga andu akwa mathomage kuo,  Na mundu ekage uria ekwenda.     3.  Aroiga ona ahunjia ndi nao,  Marahunjia uhoro wa maheni,  Angi maroiga ndi wa ndigwa,  Tarora andu akwa ni aingi muno.    4.  Andu angi no maracukana,  Makiugaga Jesu witu akumio,  Jesu ndegukumio na njuku,  Coka kwa ngoma ugacukane.    5.  Andu angi no maratharania,  Makiugaga Jesu witu akumio,  Jesu ndegukumio na utharia,  Coka kwa ngoma ugatharanie.     6.  Guku thi kanitha ni igiri  Kanitha wa Ngai na wa ngoma,  Kanitha wa Ngai niuri watho,  Kimenye we waku ni uriku. (Amina)

  NGINYA MWATHANI AGOKA  1.  Onginya Mwathani agoka ndoigire ini,  Ndetikia Ngai Ithe, Muriu na Roho Mutheru  Ngiigua utatu mutheru ni wanjiura,  Amen nginya Mwathani agacoka.    2.  Ngiuga ngutura nemeire watho wa ngoma  Ona yahuha macoro, thi yothe ndege,  Ona yetanira utonga ngauga ndikwenda,  Amen nginya Mwathani agacoka.    3.  Yathana kurakarwo nii- ngakena muno,  Yaka nyumba cia ihoru nii ngaikara nja,  Yaruganira maruga ngagakumara,  Amen onginya Mwathani agacoka.     4.  Ategia njuku acioi murerwo atiri,  Mwoiga maheni tithiri mwehitha hau,  Muriugaga ati no ihunjia o nda ciure  Ruthanju rwakwa rui moko hurane na inyui  Amen onginya Mwathani agacoka.     5.  Kuruta mwaki wa kungi ucio ngiuga aca,  Kuhoya mihianano iyo nayo ngiuga aca  Kugura tuthaga twayo tuu ngiuga aca,  Amen onginya Mwathani agacoka.    6.  R...

  MAITHORI MAYA NDIRAITA 1.  Maithori maya ndiraita nowe ui hitho yamo  Mundu wathi no arigwo nowe nduhithika hitho,  Ndakuria nawe njokeria tondu niwanyamurire    2.   Ririkana ihenya inene ndatemire ngigwitaga   Nyumitwo thutha ni mbutu iria itari na tha na nii   Ndagwitire ukinjitika na ukinjira nyumiririe.     3.   Mbaara nene ndahurirwo ciiga ciothe   Ikirekania, no indo iria ndagwitirie wanjirire   Nduciagite no njetere kahinda gukiririria kuoneke.     4.   Mbura nene yanjuriire ngiheha ngoro na mwiri   Ndigiciirio ni rubutu rukiuga ndihoyaga ma no nginya   Rundute muoyo nawe ukimaconorithia.     5.   Ndathinagio niundu waku na ndigana gigukana   Nawe nduigana kungana, tiitheru ngiria na nginyua   No nginya ngacokia ngatho.      6.   Muhuyuko mbura nene ya njuriire nditharite,   Ona ikihiuka no njui njetereire wendo waku,   Na u...

  KUMA O KIAMBIRIRIA   1.  Kuma o kiambiriria Ngai akiumba mundu,  Amumbire niguo maturanagie,  Na mundu ndaigana gwathikira Ngai,  Akiingatwo muguunda-ini Edeni x2     Mwinyihagirie Ngai muteguthethuka  Murumagirire watho wake  Mumage thutha nake amutarage  Na nimugakinya mucii Kanani    2.  Nake Iburahimu niakenirie Ngai,  Niundu Wa gutura emwihokeku,  Nake akiuga niakamurathima,  Akimutua ithe wa ruriri runene x2    3.  Nake Jesu riria aturaga guku thi,  Niaturire nake emwihokeku  Nake Ngai akiuga niakamurathima  Akimuhe ritwa inene kwi mothe x2. (Amina)

  ARATA AKWA NINGUMURATHIMA 1.  Arata akwa ningumurathima,  Tondu ninii njui wira wanyu,  Na mawira mothe mwanaruta  Ndimarathimithie he Jehova.     2.   Niguo mutikanorwo ni hinya,   Curaniai wira mwanaruta.   Na mbaara na ng’aragu nene,   Niundu wa ritwa ria Gaturume.     3.  Mbaara nene iria mwanarua,  Kai mukwaga kiririkano,  Na mundu angiaga kiririkano,  Roho Mutheru no amweherere.     4.   Ngatha yendaga guthingata ingi,   Riri ni igai ria Roho wama,   Cokiai ngatho hari Jehova,   Muture nake nginya ithiriro.      5.   Nyumba ingituika ni ya uthamaki   Ithahie na yage Roho wama,   Ndingituika ati niya uthamaki,   Tondu Roho wama ndethahagia.      6.   Ngahumbwo nguo ya ukiririria,   Maria mothe ndanakiriria,   Ndutirwo thumbi njikirwo mutwe,   Mucibi heo wa unene wa Ithe.     7.   N...

  NJIKITIE MAITHO NA MBERE YAKWA  1.  Ninjikitie maitho na mbere yakwa,  Ngona hena rui ruriku muno,  Na ni rwarii muno rutangiringwo  Ni mundu utekuiire muru wa Ngai.   Wui wui nii riu ngwika atia,  Aciari mariho ho matinginingia,  Arata mari ho matinginingia,  Ni ndagithii mwaki-ini wa nginya tene.    2.  Aria munyitite rugendo ruru,  Mucokeri njira eguthii mwaki-ini  Na uria ukuremwo nikururinga,  Egutwarwo niruo ature akayaga.    3.  Uria wina Jesu niekururinga,  Tondu Roho niwe thabina iitu,  Niekuringio niwe murimo wa muoyo,  Ature akenaga tene na tene.    4.  Gitonga kia Lazaro nikiaririre,  Riria kiahoyaga itata ria mai,  Murimo wa muoyo hari Lazaro  Hena mukuru munene utangiringika.  (Amina)

  ITURA- KUU KAISARIA 1.  Itura- kuu Kaisaria,  Kwari na mundu wetagwo Korinelio,  We yamuriire Ngai na andu ake othe,  Kuheana na ningi gutuga andu,  Ni ahoyaga Ngai hingo ciothe.   Korinelio, Korineijo uheani uria uheanite wa indo Na mahoya maria uhoete nimakinyite Iguru kuri Ngai.     2.  Muthenya umwe hwa-ini thaa kenda,  Akiumirirwo ni muraika wa Ngai,  Akimwira Korinelio,  Korineljo agicuthiriria amakite,  Akimuria niatia Mwathani wakwa.    3.  Tuma andu Jopa makagire Simioni,  Uria witagwo na ritwa ringi Petro,  Ni mugeni uikaraga gwa Simioni,  Ni Mutanduki wa njua ku Jopa.    4.  Petro akorwo nyumba iguru akihoya,  Akiigua hutii agikorwo aringitwo iringi,  Akiona iguru nario rihingukite  Na kinyamu gitarii ta gitama,  Kina nyamu cia mithemba yothe.    5.  Petro akirwo ukira uthinje na urie,  Nake akimwira aca tiguo mwathi, ...

  ANDU AINGI NIMAKARIRA   1.  Andu aingi nimakarira nikugia na umenyo muingi,  Umenyo umatwaririirie makarigwo ni Ngai,  Uria wamombire riria matari na umenyo  Akorwo ndui murata witigagire Jehova    2.  Tega maku wega mundu uyu wituaga kimenyi  Nu wathimire thi-ino akimenya igukinya ha?  Ta heana uhoro wega tondu we niukiui.  Akorwo ndui murata witigire Jehova.     3.  Thikiriria mundu uyu wituaga kimenyi  Ngai nioi riria ugakua nawe ndui muthenya  Taheana kuria wari akiumba thi na iguru,  Akorwo ndui murata witigire Jehova.     4.  Cokia kiuria giki we wituaga kimenyi,  Gitina giathi makinya maitugi ihanditwo ha?  We kimenyi coka utuire ihandiriirwo ki-ini?  Akorwo ndui murata witigire Jehova.     5.  Tanjokeria kiuria giki we uregete gwitikia (Ngai)  Niki kigiragia mundu akue na indo ciake?  Indo ciathi ni igathira na imweherere biu,  A...

WIMENYAGIRIRE UKIARIA  1.  Wimenyagirire ukiaria ugika na ugiciria  Niguo ndugatungatire Caitani,  Ngai ature thi-ini waku  Nawe uture thi-ini wake x 2    2.  Ririkana uria wetirwo na ugiitiririo maguta  Ni Roho mutheru na agikwamura  Ukihandwo mbeu ya uthingu  Uciarire Ngai maciaro x 2    3.  Ugi uria wama na umenyo  Ni Ngai uheanaga ona uhonokio ni kiheo giake  Menyerera thumbi yaku  Caitani ndagagutunye x 2    4.  Jesu erire makanitha ni nii Olifa na Omega,   Ni nii kiambiriria na kirikiro   Uge wakwa ni mutheru   Mundu ndakanauthahie x 2     5.   Ngai Baba njitikaga riria ngugukaira   Nowe mwihoko wakwa rugendo-ini   Wanjirire ndukandiga nginya   Riria ngahotana x 2      6.   Thu ciakwa cia ndigiciria mwena wa urio umotho   Ninjui Baba wakwa wihakuhi   Wanjirire ndukandiga   Nginya riria ngahotana x 2. ...

KIRATHIMO NA UTUGI 1.  Kirathimo na utugi, wendo na uhoreri  Iria nduire nguhoyaga we Mwathani   Hau haku hega ma, kuu iguru matu-ini  Ndakuhoya ngakorwo ho rugendo-ini    Uui—uui Ngai Baba, ndukanae kundiga  Hindi yothe ya mathina ndaguthaitha  Hau haku hega ma, kuu iguru matu-ini  Ndakuhoya ngakorwo ho rugendo-ini.    2.  Na rimwe ni hitagia Mwathani undekere,  Nigetha ndakinya kuo ngakenaga  Hau haku hega ma, kuu iguru matu-ini  Ndakuhoya ngakorwo ho rugendo-ini.    3.  Nyamukira Mwathani njikarage nawe  Ngugocage twina Araika kuu iguru  Hau haku hega ma, kuu iguru matu-ini  Ndakuhoya ngakorwo ho rugendo-ini.    4.  Mathina magathira twakinya kuu iguru  Ningainaga Halleluya hindi ciothe  Hau haku hega ma, kuu iguru matu-ini  Ndakuhoya ngakorwo ho rugendo-ini.     5.  Thumbi yakwa ya uthamaki njikirwo mutwe wakwa  Na ruri rwa t...

  HINDI IRA NDUARAGA GUKU THI 1.  Hindi iria nduraga guku thi  Ndikoragwo hurukite, njiguaga ondiririirie  Nyambate thii ngahuruke.    Ndiraigua ndiririirie guthii  Ngahuruke na Ngai wakwa x2    2.  Mbara ya thi ti mbara huthu  Ni mbara ina nditi nene  Caitani wee ndangihota  Jesu wakwa niahotanire.     3.   Hindi iria murango ukahingwo   Jesu athane njikirwo thumbi   Ngaikara thi hurukite   Ndikaririkana thina ringi.     4.   Hindi iria ngakinya matu-ini   Ni ngakenera Jesu wakwa   Hindi iria we akihimbiria   Ndaringa rui rwa gikuu.    (Amina)

 NGAI NIAIGUIRIIRE ANDU AKE THA 1.  Ngai niaiguiriire andu ake tha  Akimaruta ukombo-ini riria matuire  Watho-ini wa Firauni, akimanogora minoga.     Na inyui mwanyirire uhonokio wa Ngai   Mugitahwo ni maundu, mutugugaga ta andu   Matariaga aria mari na ugi na utonga      2.   Kiambiriria mari na kiyo, (kiingi) magiakirwo   Magongona magicoka guikara meroreire Jesu   Tari mbica iri miti iguru.     3.   Ngai akimarehere nyamu (cia thi) makirio makiagaga   Riria meciragia mena kihuruko   Magikora no thina mutheri.      4.   Mundu witu ndukaremererwo   Mutondo-ini wa maundu ururumage   Ta ngari hindi ya mbura na nduri rugendo uthiaga.      5.   Ciana nicianyitire mataro (moru) ona aciari makinyita   Wathikiriria mucii no ma ya Ngai   Niundu gutiri ona umwe mwihokeku      6.   Ta uria Musa ahaicirie nyamu   Ya g...

MURATA WAKWA MURATA WAMWATHANI  1.  Murata wakwa murata wa Mwathani  Ukira uthaithane, ni nii ngwaria nawe tiga gwitigira    2.  Ukwirwo kwi nduma nduma iria ndumanu  Riria uguthaithana, tondu njira yaku  Yaguthii kwa Baba igereire weru-ini   3.  Elija athaithire Ngai ena kihoto na kiyo kinene,  Mbura ikiaga kura  Danieli athaithana agitumirwo Araika.    4.  Jusufu niendirio itura ria Misiri  Niguo atuike ngombo, indi ukombo wake  Ngai akiurathima ugituika uthamaki.   5.  Ayubu nionire thina wa maithori  Thina utari wonwo, murata wi wa goro  Ukira uthaithane uririkane tene.    6.  Nikwari ndungata ya goro yetagwo  Ndungata ya Ngai, ninjui niumiui  Ndungata ya goro na njamba ihinya.   7.  Musa niaciaritwo na thina munene  Na uugi wa Ngai, atuire na thina emoko-ini magikuu   8.  Riria arikirie gutuo ndungata, ndungata ya Ngai  Ahum...

ATHURI NA ATUMIA 1. Athuri na atumia na anake Na airitu na ciana iria nyinyi Aria othe murathii rugendo Mwituei ta Joshua na andu ake.   Joshua akirugama akihita Nii na nyumba yakwa yothe Turitungatagira Ngai ona Inyuothe mwarega Ngai.   2. Rugendo ruru turaruthii amwe Amwe matiri na tigiti Na matiri na irio na mai Cia kumateithia rugendo-ini.   3. Amosi akiuga muthenya ucio Anake ao ona airitu ao Makaringikaga ni nyota magakuira Njira ta nyamu.   4. Akani aiya indo iri kirumi Ciatumire anake moragwo Aria mari njamba cia Ngai Magikuira njira ta nyamu.   5. Thakame ya mundu wa Ngai Ndigaitika thi ta ya nyamu Kana kiimba giake kihutio ni Nyamu kana mundu mwihia.   6. Mihitwa na kirikaniro nicio Ngo na itimu rugendo-ini No wona twakinya iguru Ni thumbi na tuheo muoyo. (Amina)

KIAMBIRIRIA KIA MAITHORI 1.  Kiambiriria kia maithori ni Mwathani waririre  Ona gikuu kia Lazaro Jesu ni muira wa atheru x2  2.  Mwathani ndukanandige tondu nduraga hoyaga  Ngiririria gugatonya nyumbe thi-ino ngahuruke x2   3.  Wee ngoro yakwa huruka Mwathani waku niagoka.  Tiga guoya wa kumenwo nduri hindi ugaconoka x2  4.  Hindi ya guka yakinya ndukanangore ndi toro  Njokia thayu njeterere kirigiriro kia muoyo x2 (Amina)

INYUI MAKANITHA NI INYUI NGWARIRIA 1.  Inyui makanitha ni inyui ngwariria   Tondu wa wira munene urutitwo  Na ni Roho mutheru mwene wira  Mbaara ni nyone thiini wanyu atheru.    2.  Atharania riu ni mokirite  Mahotomie aria marugamite  Ndoiga ni Roho murugamiriri  Ngano niyo yakwa thawani ndikwenda.    3.  Ngwaria na njokere kuri inyui atheru  Ngarari ni nyone thiini wanyu  Tondu mihianano ni yahandirwo  Hoyai mutaukirwo ndimurathime.    4.  Cokaniai ndundu inyuothe atheru  Mwenyuranire ngoro ngwataniro  Muhithuko wiho na ndwitiruka  Wa guthunguthia ngoro cia aria iguta.     5.  Ngihimbita itunda ria Roho wama  Munjikaikia anjikaraga haraihu  Tondu ndi mugendi na muthiniki  Utonga wakwa njigiirwo matu-ini.    6.  Riria ndina gikeno ngathaga Ngai  Riria ndina kieha thaithaga Ngai  Ona ndwari ciothe heaga Ngai  Ugi w...

  URENDEKA IHOYA RIERU  1.  Kurendeka ihoya rieru, utungata mweru,  Ngai eyohanie na aria agima, na aria ethi,  Ngai amatare, ahithukire mitugo anine  Nyumba-ini yake.    2.  Nyumba ya Ngai yakirwo ikirika yothe,   Ndari gatugi atigiirie mundu, uracema ki   Na niuroneka amba uhonoke, ucoke   Ugatege ki Ngai niuguo.    3.  Mutui Ngai ni Ngai egutura ouguo, ucio  Muthingu, wakwihokeka, mahinda mothe  Ndari na ucuke, ona ndari agia, ona  Ndakagia, egutura uguo no Halleluya.    4.  Ikaragai mui gikeno ni kianyu,  Ona makiario maria marario,  Kana magikwo maria marekwo,   Kana guturwo,  Kana gukuo, icio itigiria.     5.  Mwendi muoyo kuhiriria racuria maitho,  Ona akamenya gitumi kione, aigua  Akamenye gitumi kiaigue,  Eka akamenya gitumi gieke,  Gwithahia kwage.     6.  Ukiririaj itio cia thi, ciana...

  MOTHAMAKI NI MERI 1.  Mothamaki ni meri mari thi,   Murata menya waku niuriku,  Uikare guo,     No utungatire.  Uikarite atia gatagati  Nduri guku, na nduri  Na kuria, kaba urugamire  Mwena umwe.    2.  Uthamaki umwe ni wa Ngai,  Na guo uthamaki ucio ungi niwake  Ucio muru Caitani.     3.  Mwetwo atheru mugikiriririe,  Kuu kungi gwetwo andu aria ehia,  Ndukarakanio ni ritwa riu.    4.  Ngai niamenete mehia muno,  Mehia nimo magaikio mwaki-ini  Wakorwo namo ni ugaikio riko.    5.  Wakihenio ni ucio muru Caitani,  Agikwira tunini ti turu,  Na kwa Ngai mothe no undu umwe.    6.  Ngai ni ari na andu ake, menya uguo  Aria othe mamwathikagira,  Nao acio angi ni ngombo, cia Caitani. (Amina)

INO NI NDUMIRIRI 1.  Ino ni ndumiriri kuma he ithe wa mioyo;  Ati nyumba-ini yake ndenda kiguoya.  2.  Kihoto ni waheire kia nginyage na hinya   Ndikiri wa munene ingikiurio nuu! 3.    Wonire njagiriirwo na ukihe  Wako gwaku njitanagio na nyumba ya muthamaki   4.  Utheri ni waneire nguhoyage ndina ma   Nguinagire ndina ma njui wi muoyo.   5.  Rutha niwe waheire njukage kwaria nawe,   Ngakwira na ngakwonia mabata makwa.   6.  Baba ni muthamaki nanii ndimwana wake   Na irigithathi riho riria ndukitie x2   7.   Ndiri na undu ingikwira,  No ngwirire kindurie o hau,  Njegeke-ini yaku he muoyo x2   8.  No ngwirire ni wega  Niwega Ngai wakwa ni wega  Muno Baba nduria hari we x2. (Amina)

  CUTHIRIRIA JESU 1. Cuthiriria Jesu niguo wirutage  Ekirirwo thumbi mutwe ya miigua,  Ni Pilatu atoria akigocithia ithe,  Akiheo unene wa iguru na thi.     Turia maru uhoe uhote  Magerio niukarutwo thumbi  Yaku ya miigua  Wikirwo ya muoyo ni Ngai  Akenete niundu wagutoria  Waara wa ngoma.     2.  Mwathani etikira kurumwo niandu othe,  Ona kunyururio agituirwo mata,  Ona ningi kwambwo mutharaba iguru,   Thakame iria oirire niuteithio waku.    3.  Muru kana mwari riria ukiriirwo,  Itura-ini riaku kana wira-ini,  Menyerera ngoro ndukorwo ni hinya  Ucambithie Ngai, Shaitani egoce.    4.  Kumenwo ni andu athi,  Na kurumwo nio,  Na kuhurwo nio  Na gutunywo indo niyo   Thumbi iria Shaitani ekanagira   Na wona wahota ni ukahuruka.    5.  Ukihoya kindu kuri anene athi no,  Mendaga kugeithio guoko gwi kindu, ...